• იოდის დეფიციტი ორსულობისა და ლაქტაციის პერიოდში

    27.07.2016

     
    ადამიანის ორგანიზმში იოდის ერთადერთი დღეისთვის ცნობილი ფუნქცია არის ფარისებრი ჯირკვლის ჰორმონების სინთეზში მონაწილეობა. იმ შემთხვევაში, როდესაც ორგანიზმს საჭირო რაოდენობით არ მიეწოდება იოდი, ვერ ხდება ფარისებრი ჯირკვლის ჰორმონების საკმარისი რაოდენობით სინთეზი. ამ მდგომარეობას ჰიპოთირეოზი ეწოდება. ფარისებრი ჯირკვლის ფუნქციის დაქვეითების გარდა, იოდის დეფიციტი იწვევს ფარისებრი ჯირკვლის ზომაში გადიდებას, რასაც ენდემური ჩიყვი ეწოდება. ფერტილური ასაკის ქალბატონებისთვის იოდის დეფიციტი და მასთან დაკავშირებული ჰიპოთირეოზი შეიძლება გახდეს უშვილობის, ხოლო ორსულობის შემთხვევაში – სპონტანური აბორტის, ნაადრევი მშობიარობის, ბავშვის თანდაყოლილი ანომალიებისა და მკვდრადშობადობის მიზეზიც კი. ბავშვებს, რომელთა დედებს მძიმე იოდის დეფიციტი ჰქონდათ ორსულობის დროს, შესაძლოა განუვითარდეთ გონებრივი განვითარების სხვადასხვა ხარისხის შეფერხება, მათ შორის, ყველაზე შორს წასული ფორმა – კრეტინიზმი, ასევე პრობლემები ზრდასთან, სმენასა და საუბართან დაკავშირებით. კრეტინიზმი, რომელიც იოდის დეფიციტის უმძიმეს გამოვლინებას წარმოადგენს, დღეისათვის სამედიცინო იშვიათობაა, თუმცა იოდის მსუბუქი ან საშუალო დეფიციტი კვლავაც ახდენს თავის უარყოფით გავლენას როგორც ორსული ქალის, ასევე ბავშვის ჯანმრთელობაზე. ნორმაში TSH უნდა იყოს 0,4-4,0 μIU/L, თუმცა რამდენადაც ორსულობის პერიოდში მოთხოვნილება ფარისებრი ჯირკვლის ჰორმონებზე იზრდება, TSH-ს სხვადასხვა ნორმები აქვს ტრიმესტრების მიხედვით. საქართველო წარმოადგენს იოდის დეფიციტის ენდემურ კერას, ამდენად საქართველოში მცხოვრები ქალბატონები ორსულობის დაგეგმვის პერიოდში უნდა მოემზადონ იოდის საკმარისი რაოდენობის მიღებით.
     
    iodis_deficiti
     
    ამ საკითხის შესახებ ვრცელ ინფორმაციას ექიმ ნათია ვაშაყმაძის მიერ მომზადებულ სტატიაში შეგიძლიათ გაეცნოთ.

    Posted in Uncategorized | Leave a comment

    D ვიტამინის დეფიციტი ორსულებსა და ბავშვებში

    22.07.2016

     
    რეალურად D ვიტამინი სრულებითაც არ არის ვიტამინი, არამედ იგი წარმოადგენს მძლავრ სტეროიდულ ჰორმონს, რომელიც არეგულირებს 500-ზე მეტი გენის მუშაობას და მონაწილეობს მრავალ სასიცოცხლოდ მნიშვნელოვან პროცესში. ორსულ ქალებში D ვიტამინის დეფიციტი დაკავშირებულია ისეთ სერიოზულ გართულებებთან, როგორიცაა: პრეეკლამფსია, ნაადრევი მშობიარობა, საკეისრო კვეთა, სპონტანური აბორტი, დაბალი წონის ნაყოფის გაჩენა და გესტაციური დიაბეტის განვითარება. კიდევ უფრო საზიანო შეიძლება იყოს მისი დეფიციტი ნაყოფისთვის და ადრეული ასაკის ბავშვებისთვის. ბავშვებში D ვიტამინის დეფიციტი იწვევს რაქიტს, რაც ყველასთვის ცნობილია. თუმცა ბოლო პერიოდში ჩატარებულმა კვლევებმა აჩვენა მჭიდრო კავშირი ბავშვობაში D ვიტამინის დეფიციტსა და მოზარდობაში მრავალ მძიმე დაავადებას შორის, როგორიცაა, მაგ., შაქრიანი დიაბეტი ტიპი 1, გაფანტული სკლეროზი, ბრონქული ასთმა, აუტიზმი, ალერგიები და სხვ.
     
    ამ პრობლემის შესახებ ვრცელ ინფორმაციას ექიმ ნათია ვაშაყმაძის მიერ მომზადებულ სტატიაში შეგიძლიათ გაეცნოთ.
     
    d_vitamini

    Posted in Uncategorized | Leave a comment

    მორიგი წარმატებული სტაჟირება “ვისტამედის” ლაბორატორიაში

    19.07.2016

     
    თეა ხუციშვილის ხელმძღვანელობით, სტუდენტების მეორე ნაკადმა წარმატებით გაიარა სტაჟირების მოკლე კურსი “ვისტამედის” ლაბორატორიაში.
    tea_khutsishvili_with_students

    Posted in Uncategorized | Leave a comment

    კარდიოექსპრესის ჟურნალი ექიმებისთვის – 2016 წლის ნომერი

    19.07.2016

     
    ჩვენი საიტის პუბლიკაციების განყოფილებაში, შეგიძლიათ იხილოთ “კარდიოექსპრესის” ჟურნალის ახალი გამოცემის ელექტრონული ვერსია.

    Posted in Uncategorized | Leave a comment

    პრეზენტაცია “ვისტამედში”

    20.06.2016

     
    დღეს, 20 ივნისს, „ვისტამედის“ ოფისში ექთან-ფლებოტომისტმა თამარ გრიგალაშვილმა წარმოადგინა პრეზენტაცია თემაზე: „სისხლძარღვები“.
     
    prezentacia_vistamedshi
     
    პრეზენტაციას ესწრებოდნენ როგორც „ვისტამედის“ ფლებოტომისტები, ასევე კლინიკური ლაბორატორიისა და ადმინისტრაციის თანამშრომლები. პრეზენტაციამ ჩაიარა ძალიან საინტერესოდ და გამოირჩეოდა მაღალი ინტერაქტიურობით. მადლობას ვუხდით თამარს საინტერესო შეხვედრისათვის!

    Posted in Uncategorized | Leave a comment
    Calendar JS/DOM by derletztekick.com