• პრაქტიკული სწავლება „ლაბორატორიულ მედიცინაში”

    09.06.2016

     
    სამედიცინო სერვის-ცენტრი “ვისტამედი” ატარებს მოკლევადიან ტრენინგს თემაზე: “ლაბორატორიული მედიცინის პრაქტიკულ საწყისები”. ტრენინგი უფასოა!
    აპლიკანტების შერჩევა მოხდება შემდეგ ეტაპებად:
    1) რეზიუმეების შერჩევა
    2) გასაუბრება
     
    13427992_1020789911290266_6042892184914100248_n
    ტრენინგის წარმატებით დასრულების შემდეგ აპლიკანტებს გადაეცემათ შესაბამისი სერტიფიკატი.
    მსურველებმა გამოაგზავნეთ CV ელ-მისამართზე: info@vistamedi.ge

    Posted in Uncategorized | Leave a comment

    პერორალური გლუკოზატოლრანტობის ტესტი

    04.06.2016

     
    რას იკვლევს მოცემული ტესტი?
    გლუკოზის ტოლერანტობის ტესტი ადგენს, თუ რამდენად სწრაფად და ეფექტურად ხდება ორგანიზმში გლუკოზის მეტაბოლიზმი. გლუკოზა ორგანიზმისთვის (განსაკუთრებით თავის ტვინისთვის) ენერგიის მთავარ წყაროს წარმოადგენს. ადამიანი მას საკვებიდან იღებს.
     
    საკვების მიღების შემდეგ, სისხლში გლუკოზის დონე იმატებს. ამის საპასუხოდ, პანკრეასიდან ჰორმონ ინსულინის გამოთავისუფლება ხდება. ინსულინის დახმარებით გლუკოზა უჯრედებში აღწევს და სისხლში მისი დონე ისევ ქვეითდება. გლუკოზის დონე სისხლში მომატებული რჩება, თუ არ ხდება ინსულინის საკმარისი რაოდენობით გამომუშავება (შაქრიანი დიაბეტი ტიპი 1), ან თუ უჯრედები ინსულინის მიმართ რეზისტენტულები არიან (შაქრიანი დიაბეტი ტიპი 2).
     
    13418682_1020784351290822_9130600295933002231_n
    რისი დიაგნოსტირებისთვის ინიშნება?
    გლუკოზის ტოლერანტობის ტესტი ინიშნება პრედიაბეტისა და დიაბეტის სადიაგნოსტიკოდ. ეს ანალიზი ასევე შეიძლება გაკეთდეს გესტაციური დიაბეტის გამოსავლენად.
     
    როგორ კეთდება ეს ტესტი?
    თავდაპირველად, ვენიდან სისხლის აღებით ისაზღვრება გლუკოზის დონე უზმოდ, შემდეგ პაციენტს აძლევენ 75გრ გლუკოზის ხსნარს და გლუკოზის დონეს საზღვრავენ 2სთ-ის შემდეგ.
     
    როგორ მოვემზადოთ ტესტისთვის?
    ამ ანალიზისთვის საჭიროა უზმოდ ყოფნა. აღსანიშნავია, რომ ზოგიერთმა მედიკამენტმა შეიძლება გავლენა იქონიოს ანალიზის შედეგზე, ამიტომ აუცილებელია ექიმთან კონსულტაცია და ტესტისთვის მოსამზადებლად მისგან დეტალური ინსტრუქციის მიღება.
     
    შედეგების ინტერპრეტაცია
    ტესტის შედეგების ინტერპრეტაცია ექიმის მიერ უნდა მოხდეს.
    ჩვეულებრივ, გლუკოზის მიღების შემდეგ, მისი დონე სისხლში იმატებს, რაც ინსულინის გამოყოფას ასტიმულირებს. ინსულინის მეშვეობით, სისხლში გლუკოზის დონე ისევ ნორმას უბრუნდება. თუ ეს არ მოხდა და გლუკოზის დონე 2 სთ-ის შემდეგ ისევ მომატებულია, ჩანს გლუკოზისადმი ტოლერანტობა დარღვეულია. ეს შეიძლება გამოწვეული იყოს არასაკმარისი რაოდენობის ინსულინით ან ინსულინისადმი არსებული რეზისტენტობით.
     
    სტატიაზე მუშაობდნენ: თ.ქაჩლიშვილი და თ.ხუციშვილი

    Posted in Uncategorized | Leave a comment

    წარმატებული სტაჟირება “ვისტამედის” ლაბორატორიაში

    27.05.2016

     
    თეა ხუციშვილის ხელმძღვანელობით, სტუდენტებმა წარმატებით გაიარეს სტაჟირების მოკლე კურსი “ვისტამედის” ლაბორატორიაში.
    stajiorebi

    Posted in Uncategorized | Leave a comment

    ვიტამინი B12

    28.04.2016

     
    ვიტამინი B12, იგივე კობალამინი, არის წყალში ხსნადი ვიტამინი, რომელიც მიეკუთვნება B ჯგუფის ვიტამინებს. მას ორგანიზმი არ გამოიმუშავებს, იგი ცხოველური წარმოშობის საკვებში გვხვდება.
     
    ვიტამინი B12 აუცილებელია დნმ-ის სინთეზისა და ჯანმრთელი ნერვული სისტემისათვის. იგი აგრეთვე მონაწილეობს სისხლის წითელი უჯრედების – ერითროციტების ფორმირებაში, რომლებიც ქსოვილებისთვის ჟანგბადის მიწოდებას უზრუველყოფენ.
     
    უჯრედების B12 ვიტამინით შესავსებად აუცილებელია:

    1. B12-ით მდიდარი საკვების მიღება, მაგ: ხორცი, თევზი, რძის პროდუქტები და კვერცხი.
    2. ორგანიზმის მიერ B12-ის ათვისება. ამისათვის საჭიროა სპეციალური ცილა – შინაგანი ფაქტორი, რომელსაც კუჭის უჯრედები გამოიმუშავებენ.

     
    b12_small
     
    ვიტამინ B12-ს დეფიციტი
    ვიტამინ B12-ის დეფიციტი, ჩვეულებრივ, მოკლე ხანში არ იჩენს თავს, რადგან ადამიანების უმრავლესობას, ვეგეტარიანელების გარდა, ღვიძლში B12-ის რამდენიმე წლის მარაგი აქვთ.
    მისი დეფიციტისას აღინიშნება შემდეგი სიმპტომები: დაღლილობა, ანემია, თავბრუსხვევა, სმენის პრობლემები, უმადობა, მეხსიერების დაკარგვა.
     
    იმ შემთხვევაში, თუ არ მოხდება ვიტამინის დეფიციტის შევსება, ადამიანს შეიძლება განუვითარდეს შემდეგი სიმპტომები: წონაში კლება, ელენთის და ღვიძლის გადიდება, დეპრესია, ჰალუცინაციები, ხასიათის ცვლილებები, გაღიზიანებადობა, მხედველობის ნერვის დაზიანება.
     
    B12-ს დეფიციტი შეიძლება განვითარდეს:

    • 50 წლის და მათზე უფროსი ასაკის მქონე პირებში, რაც შეიძლება გამოწვეული იყოს როგორც არასათანადო კვებით, ასევე კუჭის მჟავის ნაკლებობით. ეს უკანასკნელი ფაქტორი ხელს უშლის ვიტამინის შეწოვას;
    • ვეგეტარიანელებში, რომლებიც ხორცის პროდუქტების გარდა, ასევე უარს ამბობენ კვერცხის და რძის პროდუქტების მიღებაზე.
    • პერნიციოზული ანემიის დროს, რადგან კუჭის უჯრედები ვერ გამოიმუშავებენ B12-ს ათვისებისთვის საჭირო ცილა – შინაგან ფაქტორს;
    • საჭმლის მომნელებელი სისტემის დაავადებების დროს, მაგ: ცელიაკიის და კრონის დაავადებების შემთხვევაში, ასევე კუჭ-ნაწლავის ოპერაციის შემდეგ, მაგ: წონაში დასაკლებად. ასეთ შემთხვევაში ვიტამინის შეწოვა შეფერხებულია;
    • დიდი რაოდენობით ალკოჰოლის მიღებისას
    • გარკვეული მედიკამენტების მოხმარებისას, რომლებიც ხელს უშლიან ვიტამინის შეწოვას, მაგალითად, მედიკამენტი – მეტფორინი, რომელიც გამოიყენება დიაბეტის დროს
    • ფარისებრი ჯირკვლის დისფუნქციისას; როგორც კვლევამ აჩვენა, პირველადი ჰიპოთირეოზის დროს, პაციენტების დაახლოებით 40%-ს აღენიშნება B12-ს დეფიციტი.

     
    B12-ვიტამინის დეფიციტი და გულის დაავადებები
    B12 ვიტამინი B6 და B9 ვიტამინებთან ერთად აკონტროლებს ცილა ჰომოცისტეინის დონეს სისხლში და გარდაქმნის მას მეთიონინად. B12-ს დეფიციტისას იზრდება ჰომოცისტეინის დონე. როგორც კვლევებმა აჩვენეს, იმ ადამიანებში, რომლებსაც სისხლში ცილა ჰომოცისტეინის მაღალი დონე აღენიშნებათ, 2-ჯერ მაღალია გულის კორონარული დაავადების და 2.5-ჯერ მაღალი ინსულტის განვითარების რისკები.
     
    სტატიაზე მუშაობდა: თინათინ ქაჩლიშვილი
    წყაროები:
    https://www.southerncross.co.nz/AboutTheGroup/HealthResources/MedicalLibrary/tabid/178/vw/1/ItemID/101/Vitamin-B12-deficiency.aspx
    http://kellybroganmd.com/b12-deficiency-brain-health/
    http://umm.edu/health/medical/altmed/supplement/vitamin-b12-cobalamin
    http://cardiologyrichmond.com/hl/?/22440/Vitamin-B12
    https://www.nlm.nih.gov/medlineplus/ency/article/000569.htm
    https://www.ucsf.edu/news/2001/08/4932/folic-acid-vitamin-b12-show-potential-heart-disease-treatments

    Posted in Uncategorized | Leave a comment

    D ვიტამინის ნაკლებობის კავშირი პროსტატის სიმსივნესთან!

    15.04.2016

     
    D ვიტამინი წარმოადგენს ადამიანისთვის სასიცოცხლოდ აუცილებელ ვიტამინს. ის არეგულირებს კალციუმისა და ფოსფორის შეწოვას, აუცილებელია კბილებისა და ძვლების ნორმალური ზრდისა და განვითარებისთვის, ხელს უწყობს იმუნური სისტემის ნორმალურ ფუნქციონირებას.
     
    მსოფლიოში დაახლოებით მილიარდ ადამიანს აქვს D ვიტამინის ნაკლებობა. მისი უკმარისობა შეიძლება შეგვხვდეს ნებისმიერ ეთნიკურ და ასაკობრივ ჯგუფში.
     
    დღესდღეობით არსებობს ცნობები, რომ D ვიტამინის ნაკლებობა დაკავშირებულია შემდეგ დაავადებებთან: ოსტეოპოროზი, გულსისხლძარღვთა დაავადებები, დიაბეტი, ზოგიერთი სიმსივნე, გაფანტული სკლეროზი, ასევე ინფექციური დაავადებები, მაგ: ტუბერკულიოზი და სეზონური გრიპიც კი.
     
    ახალი კვლევის თანახმად, რომელიც ჩატარდა ნორსვესტერნის უნივერსიტეტში (აშშ), არსებობს კავშირი სისხლში D ვიტამინის დაბალ დონესა და პროსტატის სიმსივნის აგრესიულ ფორმას შორის.
     
    Dvitamini
     
    კვლევას ხელმძღვანელობდა დოქტორი ადამ მერფი. იგი წლების განმავლობაში მუშაობდა ამ თემაზე და წინა კვლევებითაც აჩვენა, რომ არსებობს ეს კავშირი, მაგრამ წინა ექსპერიმენტებში, პაციენტების სისხლში D ვიტამინის დონის შეფასება ხდებოდა სიმსივნის მკურნალობის დაწყებამდე. ახალი კვლევის შემთხვევაში კი, ჯერ სისხლში D ვიტამინის დონე განსაზღვრეს და მხოლოდ რამდენიმე თვის შემდეგ განახორციელეს პროსტატის სიმსივნის აგრესიული ფორმის ვიზუალური იდენტიფიცირება, პროსტატექტომიის შედეგად (პროსტატის ამოკვეთა).
     
    წარმოდგენილი კვლევა არის მიმდინარე, დიდი პროექტის ნაწილი, კერძოდ ჩიკაგოში 1760 მამაკაცზე სწავლობენ D ვიტამინის დეფიციტსა და პროსტატის სიმსივნეს შორის არსებულ კავშირს.
     
    ამჟამად წარმოდგენილი კვლევა მოიცავდა 190 მამაკაცს, რომელთა საშუალო ასაკი შეადგენდა 64 წელს, მათ 2009 – 2014 წლებში ჩაუტარდათ რადიკალური პროსტატექტომია. მათგან 87 მამაკაცს აღმოაჩნდა სიმსივნის აგრესიული ფორმა. ამ პაციენტებში D ვიტამინის საშუალო დონემ შეადგინა 22.7ნგ/მლ, რაც მნიშვნელოვნად დაბალია ნორმაზე, D ვიტამინის ნორმა სისხლში არის 30 ნგ/მლ.
     
    როგორც დოქტორმა ადამ მერფიმ განაცხადა, D ვიტამინის უკმარისობით შეიძლება პროსტატის სიმსივნის აგრესიული ფორმის პროგნოზირება.
     
    აღსანიშნავია, რომ ამერიკის კიბოს ასოციაციის მიხედვით, ყოველ მე-7 მამაკაცს, მისი სიცოცხლის გარკვეულ ეტაპზე, პროსტატის სიმსივნის დიაგნოზს უსვამენ.
     
    კვლევა გამოქვეყნდა 22 თებერვალს, კლინიკური ონკოლოგიის ჟურნალში (აშშ).
    სტატიაზე მუშაობდა: თინათინ ქაჩლიშვილი
     
    წყაროები:
    http://www.ndtv.com/health/vitamin-d-deficiency-linked-to-aggressive-prostate-cancer-1283224
    http://www.northwestern.edu/newscenter/stories/2016/03/vitamin-d-prostate-cancer.html
    http://www.universityherald.com/articles/28950/20160302/vitamin-d-deficiency-linked-to-aggressive-prostrate-cancer.htm
    http://www.hsph.harvard.edu/nutritionsource/vitamin-d/#vitamin-d-deficiency-a-global-concern

    Posted in Uncategorized | Leave a comment
    Calendar JS/DOM by derletztekick.com